სამართლებრივი
კონფიდენციალურობის პოლიტიკა
მოკლედ: ვაგროვებთ იმას, რაც სერვისს სჭირდება; კონტაქტს ვხსნით მხოლოდ რეალური გარიგებისას; მონაცემებს არ ვყიდით.
01
რა მონაცემებს ვაგროვებთ
ანგარიშის მონაცემები: სახელი, ელფოსტა და — თუ თავად მიუთითებ — ტელეფონი და ქალაქი.
საწარმოს მონაცემები: დასახელება, საიდენტიფიკაციო კოდი, რეგიონი, მისამართი და ვერიფიკაციის დოკუმენტები.
აქტივობის მონაცემები: განთავსებული პროდუქტები, მოთხოვნები, შეთავაზებები, შეკვეთები, შეტყობინებები და შეფასებები.
ტექნიკური მონაცემები: მოთხოვნის დრო, IP მისამართი და ბრაუზერის ტიპი — უსაფრთხოებისა და ლიმიტების დასაცავად.
02
ვინ ხედავს შენს კონტაქტს
ტელეფონი და საკონტაქტო ელფოსტა საჯარო არ არის. მათ ხედავს მხოლოდ ის მხარე, ვისთანაც აქტიური შეკვეთა ან საუბარი გაქვს.
საჯაროდ ჩანს მხოლოდ სახელი, ავატარი, ქალაქი და შენ მიერ დაწერილი შეფასებები. მეწარმის შემთხვევაში — ასევე ის საკონტაქტო მონაცემები, რომლებიც თავად გამოაქვეყნა საწარმოს პროფილზე.
ვერიფიკაციის დოკუმენტები ინახება დახურულ საცავში და ხელმისაწვდომია მხოლოდ მფლობელისა და ადმინისტრაციისთვის.
03
სურათები
ატვირთული ყველა სურათი სერვერზე ხელახლა კოდირდება. ამ პროცესში იშლება მეტამონაცემები, მათ შორის GPS კოორდინატები — ანუ ფოტოს გადაღების ადგილი გამოქვეყნებულ ფაილში აღარ რჩება.
04
რისთვის ვიყენებთ
მონაცემები გამოიყენება მხოლოდ სერვისის მუშაობისთვის: ანგარიშის მართვა, მხარეთა დაკავშირება, შეტყობინებების გაგზავნა, ბოროტად გამოყენების აღკვეთა და სტატისტიკა.
პერსონალურ მონაცემებს არ ვყიდით და არ გადავცემთ მესამე პირს მარკეტინგული მიზნით.
05
მომსახურე მხარეები
ინფრასტრუქტურისთვის ვიყენებთ მონაცემთა ბაზისა და ფაილების საცავის, ჰოსტინგისა და ელფოსტის მიმწოდებლებს. ისინი ამუშავებენ მონაცემებს მხოლოდ ჩვენი დავალებით და ამ პოლიტიკის ფარგლებში.
06
შენახვის ვადა
ანგარიშის მონაცემები ინახება ანგარიშის არსებობის განმავლობაში.
შეკვეთის ისტორია ინახება დასრულებიდან სამი წელი — დავის შემთხვევაში მისი აღდგენა ორივე მხარის ინტერესია.
ვერიფიკაციის დოკუმენტები იშლება ვერიფიკაციის გაუქმებიდან ერთი წლის შემდეგ.
07
შენი უფლებები
შეგიძლია ნებისმიერ დროს ნახო და შეასწორო შენი მონაცემები პარამეტრების გვერდზე.
ანგარიშის წაშლის მოთხოვნა სრულდება 30 დღეში. საჯაროდ განთავსებული შეფასებები რჩება ანონიმური სახით, რადგან მათი წაშლა სხვა მომხმარებლების ინფორმირებულობას აზიანებს.
გაქვს უფლება, მიიღო შენი მონაცემების ასლი მანქანურად წაკითხვად ფორმატში.
09
რეკლამა
პლატფორმაზე შეიძლება განთავსდეს სარეკლამო ბლოკები. ისინი ყოველთვის მონიშნულია სიტყვით „რეკლამა“.
ჩვენი საკუთარი სარეკლამო ბლოკები ქუქის არ იყენებს — ჩვენებისა და დაწკაპუნების რიცხვი აგრეგირებულად ითვლება, კონკრეტულ მომხმარებელთან კავშირის გარეშე.
თუ პლატფორმაზე ჩართულია Google AdSense, Google-მა შეიძლება გამოიყენოს საკუთარი ქუქიები რეკლამის შესარჩევად. მათ მართვას შეძლებ Google-ის სარეკლამო პარამეტრებიდან (adssettings.google.com). AdSense-ის ჩართვის შემთხვევაში ეს გვერდი განახლდება და მომხმარებელი გაფრთხილდება.